Pengertian Unsur-Unsur Liturgi

Pengertian Unsur-Unsur Liturgi
Unsur-Unsur Liturgi Ibas Alkitab
Ras Kinatana Ibas Gerejanta

A. Kata penaruh
Gereja la pernah terlepas arah ibadah. Erkiteken si e, perlu kal setiap pelayan memahami kerina aspek si ilakoken ibas rangka ibadah. Tulisen enda ibahan ibas rangka nampati para pelayan guna memahami unsur-unsur si lit ibas gerejanta, gelah makna ibadah banci terang ibas pelaksananna.
Perlu pe si bedaken antara unsur-unsur dasar (prinsip dasar ) liturgi, unsur tambahen bagepe aspek kemasan liturgi. Unsur / prisnip dasar eme benang merah libadah sijadi pondasi setiap liturgi. Janah kerina unsur tambahen ras aspek kemasen banci reh raturna adi unsur dasarna enggo iletakken alu payo.
Kinilangasupen membedaken usur dasar, tambahen ras aspek kemasen megati mabai gereja kubas penyusunen liturgi si lepak. Piah usur terjadi penyusunen liturgi si bobotna hanya sebagai tertib acara. Erkiteken sie, isehken kami segelintir informasi sibanci nampati kita ibas erbahan ras ndalanken liturgi alu mehuli.

1. Unsur Dasar Liturgi
Unsur dasar eme bagin si menjadi inti kebaktin si emiliki aspek etika ras pastoral ibas perjumpa ras Dibata. Unsur enda me simenuntun kita kubas tata krama / kehormaten sipayo ibas perjumpan ras Dibata gelah kebaktin e merekan ulih si si terarah. Unsur dasar berula-ulang ituduhken secara tersirat arah cerita Alkitab. Salah sada contohna ema Yesaya 6:1-8. Benang merahna, eme:
- Kesadaren nandangi kemulian, kebadian, kuasa ras keleng ate Dibata
- Kesadaren diri nandangi isi kin kita ilebe-lebe Dibata (pengakun diri, pengakun dosa, pengakun kinilatunggunen, pengakun kelemahen, rsd.
- Pengalemi dosa (penebusan, pendamaian)
- Kata dibata
- Respons; Pengakun kiniteken
- Tekad / pengendesen
- Pengutusen
- Pasu-pasu / Berkat

2. Unsur Tambahan Ibas Sejarah / situasi Gereja\
Unsur tambahen enda la sijumpai ibas Alkitab, tapi rikutken pergumulen gereja kedungenna itambahken guna nambahi kedalamen makna.
- Votum, Salam Introitus (iadopsi ibas tradisi kerajaan ras dunia pengadilen)
- Pengakun kiniteken
- Momo + Syafaat

3. Kemasen unsur-Unsur Liturgi
Aspek kemasen unsur liturgi cukup fariatif ibas masing masing gereja rikutken jaman / situasina gereja. Aspek kemasen enda iperluken guna proses internalisasi rikutken kecibal perpulungen gelah setiap unsur baci icerna, iantusi / ihidupi lebih mendalam.
- Bahasa / komunikasi; pengogen naratif, Responsoria, antiphonal, Puisi (aspek Audio)
- Drama, prosessi (aspek Audio-Visual)
- Musik / ende-enden (aspek audio-kinestetik)
- Simbol / gambar / ruang (aspek Visual / custic)
- Gerak / gesture (aspek Kinestetik)
- Khotbah (aspek audio, Digital)

B. Penjelasen Unsur-Unsur Liturgi
1. Introitus
Introitus ertina jalan masuk. Ibas praktekna, introitus eme “ende-enden masuk” / “nyanyian masuk” si endeken perpulungen ope denga Votum - Salam. Ende-enden enda merupaken puji-pujin. Biasana i endeken alu bentuk gloria (bnd. Lagu “Hormat Bagi Allah Bapa). Ende-enden enda banci ibenaken alu ngoge pustaka, banci ka pe tanpa pengogen. Ibas gereja kuni, Introitus i endeken janah perpulungen bengket ku ruang kebaktin dingen i iringi paduan suara.
Erkiteken proses sejarah, bagin enda kedungenna icibalken gereja kenca Votum – Salam ibas bentuk pengogen si berhubungen ras thema kebaktin. Ibas gerejanta, Introitus enda ibahan jadi teks pembuka si berhubungen ras thema kebaktin.

2. Votum
Kata votum ertina dasar. Ijenda Votus berati sada pernyatan entah pe ungkapen kiniteken si jadi palas kebaktin. Selaku pernyataan / ungkapen kiniteken, maka Votum i ogeken alu hikmat. Erkiteken si e, Votum labo pertoton. Ema perpulungen labo perlu tungkuk ras tutup mata /pipit sanga pembacan Votum

3. Salam
Salam eme sebuah “sapaan”. Salam labo pertoton entah pe pasu-pasu, erkiteken si e, perpulungen labo perlu ibahan ibas sikab ertoto; tungkuk ras tutup tupung Salam iogeken. Simbabai kebaktin pe labo perlu ngangkat tan (bagi nehken pasu-pasu)
Lit piga-piga bentuk salam. Salam banci ibas bentuk responsoria entah pe ialoi alu melasken kata “amin”, entah pe i ngendeken “amin”.
Erkiteken salam eme bentuk tegur sapa, emaka perlu kal kita hati-hati ibas memodifikasi Votum ras Salam gelah fungsina ula berobah jadi pengogen informatoris, entah pe salam si “la gayung bersambut” bagi siterjadi ibas piga-piga bentuk liturgi si ibahan kita ibas natal, tah pe kebaktin-kebaktin sidebanna.

4. Pengakun Dosa
Pengakun dosa eme ulih kesadaren diri / pengenalen diri erkiteken kita jumpa ras Dibata si badia, si enggo nepa kita seri ras tempasna, si nepa kita guna tujun khusus. Pengakun dosa eme pertoton si palasken kubas kinilangasupenta ibas nggeluhken geluhta sue ras tempas Dibata, kinilangasupenta ndalanken sura-sura dibata.
Pengakun dosa enda banci ibahan ibas bentuk pertoton pribadi entah pe bersama, ende-enden entah pe responsoris.
Pengakun dosa ibenaken sada pengkondisian si mabai kita kubas kesadaren maka kita enda terbatas, erdosa, kurang tutus, rsd. Pengkondisin enda banci ibahan ibas erbage-bage metode, umpamana bentuk ogen / narasi refleksif, penungkunen refleksif, puisi, rsd.

5. Berita Pengalemi dosa
Kenca pengakun dosa, maka tuhan erkelang-kelangken serayanNa nehken berita pengalemi Dosa si umputi alu berita / pendilo geleh nggeluh ibas kegeluhen si mbaru. Ertina, kenca manusia i alemi Dibata, manusia arus nuduhken penyesalenna ras perobahen geluhna alu nadalanken kegeluhen si mbaru ibas kegeluhen si teptep wari.
Berita pengalemi dosa enda me si naruhken perpulungen kubas kengasupen megi kata Dibata / berkomunikasi ras Dibata. Sebab kalak si la i alemi / la erdame ras Dibata labo ngasup megiken kata Dibata ras ndalanken kata Dibata (Bnd. Jesaya 6:8).


6. Pengogen Pustaka Sipemena
 Gereja mula-mula ngogeken Pustaka arah Padan Simbaru ras Padan si Ndekah guna nuduhken kiniersadan duana bagin enda man perpulungen. Pengogen enda idungi alu melasken kata Pustaka; "Ketuahen kalak si megiken Kata Dibata dingen sindalankensa ibas geluhna, Haleluya”. Kata enda i aloi perpulunge alu ngendeken Haleluya (Terpuji¬lah Tuhan).
 Ibas minggu-minggu Advent ras minggu Passion;Haleluya iganti alu Hosiana (Tuhan selamatken min kami).
 Perlu si catat, maka “gloria” labo pernah itempatken sejarah gereja kenca dung pengogen sipemena, sebab fungsina eme nuduhken kehamaten man Dibata sijadi palas kebaktin (Bnd. Gloria = Hormat bagi Allah Bapa).

7. Khotbah
 Kenca pengogen si pemena, i umputi alu khotbah, erkiteken duana memiliki hubungen si erat. Ibas tradisi gereja, la semal i tamaken unsur tambahen kelang-kelang pengogen ras khotbah, umpana koor, vocal group, deklamasi, rsd. Pengalamenta piga-piga tahun belakangen enda, megati kal hubungen ogen si pemena ras khotbah terganggu alu koor-koor si temana pe la ka sendalanen ras pengogen tah pe khotbah. Idealna, labo perlu unsur tambahen kelang-kelang pengogen ras khotbah.
 Kotbah merupakan penjelasan Kata Dibata, emaka bahasana perlu merakyat, ilmiah tapi sederhana, menyentuh pengalamen kegeluhen, pengalamen emosional, gelah maba perobahen.

8. Pengakun Kiniteken
 Pengakun kiniteken pada dasarna ema jawaken kiniteken kalak kristen nandangi Dibata / Kata Dibata
 Piga-piga situasi sejarah pernah mempengaruhi dasar penggunan Pengakun kiniteken ibas kebaktin.
 Pengakun kiniteken bena-benana ipake guna nangkis ajaren “gnostik” si menyangkal “ketritunggalan Dibata”.
 Ibas gereja kuno; pengakun kiniteken = Credo; ertina Aku Tek ........ Tupung si e, gereja-gereja kuno menaken pengakun kiniteken alu kata Yesus eme Tuhan (bnd. Sahadat). Ibas paksa si e, kaisar menganggab dirina selaku dibata. Ise la nembah kaisar, banci i ukum mate. Emaka, pengakun kiniteken eme subuah sahadat si mempertaruhken nyawa. Labo sekedar penyangkalen nandangi ajaren gnostik.
 Ibas piga-piga denominasi, ingan pengakun kiniteken berbeda-beda, tergantung kubas konsep teologiana nandangi unsur-unsur liturgi.
 Ibas pengkun kiniteken, sikab perpulungen arusna tedis tegak, labo ertoto.
 Pengakun kiniteken banci ibelasken, banci ka pe i endeken ras-ras.

9. Persembahen
 Persembahen eme tanda pengataken bujur / meriah ukur ibas perbahanen / keleng ate Dibata. Bentukna cukup bervariasi; lit ibahan ibas bentuk sen, ulih juma, rsd.
 Cibal persembahen enda cukup bervariasi ibas piga-piga gereja; lit si ndalankensa ope khotbah, lit ka kenca khotbah.
 Kata penaruh kubas persembahen berbentuk bimbingen ras ajaken man perpulungen gelah mere alu pengertin si payo dingen ukur meriah. Ibas Alkitab, bimbingen enda isesuaiken rikut situasi pendahin perpulungen. Emaka banci saja idarami teks Alkitab si tepat ras imodifikasi bahasana alu payo menurut pengertin inti teks (umpamana 2 Korintus 9 : 7; Tawarikh 29: 14; Kisah Rasul 20: 35; Ibrani 13: 15 – 16; Mazmur 96: 8; rsd).
 Pertoton persembahen la perlu panjang lebar entah pe jadi syafaat.

10. Doa Syafaat
 Ibas tradisi gereja, syafaat eme notoken kalak sideban / mindo penampat man Dibata guna kalak sideban. Pertoton guna keperlun pribadi itempatken ibas bagi si deban si iumputi alu ende-enden Kyrie= Tuhan kelengilah. Tapi ibas praktekna syafaat pe megati ipake guna notoken diri sendiri.
 Cibat pertoton enda ibas liturgi cukup erbage-bage; lit si namakensa ope denga pengogen, entah pe ope khotbah. Janah lit si nempatkensa kenca khotbah. Ibas gerejanta ibahan kenca dung kolekte. Erkiteken fungsina notoken kalak si deban, maka syafaat lebih baik itempatken kenca khotbah erkiteken pembaharuan kinitekenta arah kata Dibata nampati kita guna ngukurken simehuli guna kalak sideban bagepeman dirinta sendiri.
 Ibas tradisi gereja, Pertoton Tuhan pe termasuk ibas golongen doa syafaat. Emaka lit piga-piga gereja nempatken Pertoton Tuhan ope denga khotbah, lit ka pe kenca khotbah, tapi la jadi pertoton pendungi kebaktin.

11. Tekad – Pengendesen diri (Commitment –Dedication)
- Tekad eme respons perpulungen ndangi kata ras pendilo Dibata. Pendilo Dibata menuntut respons. Bagin enda malala masap ibas liturgi-liturgi gereja.
- Tekad enda banci ikemas ibas bentuk responsoria, pertoton, ende-enden, rsd.

12. Pengutusen
- Pengutusen eme bagin si cukup penting ibas unsur liturgi (Misseo), sebab perjumpan manusia ras Dibata selalu ibarengi oleh sebuah missi ”jadi sira ras terang” man doni enda. Pengutusen enda me si mendasari berkat / pasu-pasu, sebab kalak si iutus Dibata nge ilengkapina alu pasu-pasuna.
- Ibas gerejanta, kurang kal aspek missi / pengutusen. Si enda teridah arah kata: ..mulihlah alu dame ras mejua-juah, ……..”Seharusna pengutusen ibenai alu kata: lawelah, beritaken ……….. Aku ras kam se ku kedungen jaman (pergilah, beritakan ……… Aku menyertai engkau ……)

13. Pemasu-masun / Berkat
 Pasu-pasu eme pemere Dibata guna ngelengkapi manusia ibas tugas dahin si iendeskenna man manusia (Bnd. Kej. 1:28). Pasu-pasu Dibata lit ibas kata kerja – kalimat perintah. Pasu-pasu eme energi potensian / energi siberfungsi dalam gerak, labo jadi jile-jile apalagi bonus tanpa makna.

C. Penjelasen Kerna Aspek Kemasen / pendukung
Aspek kemasen ibutuhken dalam rangka menyentuh kebutuhen psikologis / tipologi perpulungen si akan memperdalam pemaknaan / pengertiina sehmaka pesan-pesan teologis ibadah banci iseberangken secara lebih efektif (aspek Audio, Visual, Kinestetis, Digital)
1. Aspek Audio muncul ibas kemasen bahasa / komunikasi, informasi informasi si banci ipahami pepulungen alu efektif, si menciptaken perasan terlibat sebagai pemilik ibadah. Umpamana; pengogen naratif, Responsoria, antiphonal, puisi, khotbah, ende-enden, musik instrument, rsd
- Aspek Visual, eme aspek si banci menjangkau pengidah perpulungen, umpamana: Drama, prosessi, simbol, gambar, warna, tata ruang, rsd.
- Aspek Kinestetik, eme aspek si menyangkut gerak si menjembatani expkspresi perpulungen, umpamana; gerak, tedis kundul, salam, landek, erjimpuh, rsd..
- Aspek Digital, eme aspek si menyentuk pengembangan akal budi si ikemas ibas alur acara si sitematis, khotbah si sistematis, informasi si membuka wacana baru, rsd.

Ende-Enden Jemaat
- Ende-enden jemaat itempatken ras i pilih menurut unsur ras struktur liturgi. Fungsina guna mpegegehi sitiap unsur liturgi. Ibas piga-piga dampar, ende-enden lebih efektif menyeberangken ide entah pe menyentuh pengertin ras perasaan asangken pengogen.
- Secara umum lit 3 kategori ende-enden, eme: Mazmur, Hymne, Nyanyian rohani.
- Fungsina ibas struktur liturgi eme; penyembahen / pengagungan, puji-pujin man Dibata, pengakun dosa / penyesalen, ngataken bujur ibas pengalemi dosa, tekad, pengendessen, kesaksin, pengajaren, pertoton, rsd.
- Gelah ende-enden banci jadi sarane expressi pusuh perpulungen, maka perlu lit wadah guna ngelatih perpulungen gelah rende alu pusuh, ukur ras kula, sebab ende-enden si mehuli reh ibas totalitas dirinta nari.

Paduan Suara Gereja
 Paduan suara berfungsi guna memandu, nampati perpulungen ibas ngungkapken penggejapenna alu payo, janah jiwa lagu muncul alu payo. Umumna lagu-lagu produk Eropah memiliki kekuaten / jiwa lagu ibas kombinasi kata ras harmony. Erkiteken la kerina perpulungen ngasup rende ibas bentuk harmony, maka fungsi Paduan suara eme memunculken jiwa setiap lagu alu mereken harmonisasi si payo. Fungsi enda agak mirip ras fungsi organis.
 Untuk lagu si kekuatenna ibas rhytmic, ibutuhken pemusik si trampil ibas bidang iringen rhitmical.
 Tradisi Calvinis la nandai fungsi entertainmen / hiburen paduan suara apalagi jadi daftar absen ibas kebaktin pemasu-masun. Emaka, ingan paduan suara / pemusik iatur tersendiri gelah la mencuri perhatian jemaat / berobah fungsi jadi arena hiburen.

Pertoton Konsistorium
 Pertoton konsistorium eme pertoton i ruang persikapen; guna menaken kebaktin ras ndungi kebaktin. Fungsi pertoton konsistorium labo seri ras syafaat entah pe pertoton umum.
 Pertoton persikapen eme pengendesen gelah totalitas kebaktin e ipimpin Tuhan, subuk liturgis, pelayan Firman, paduan suara, pemusik, tehnisi, perpulungen, rsd.
 Pertoton penutup i konsistori eme pengataken bujur ibas erdalanna kebaktin alu mehuli, ibas team pelayan ipake Tuhan jadi alatNa guna ngelai perpulungen. Lanai perlu ije pertoton pengakun ras mindo pengalemi dosa, sebab enggo ibahan ibas struktur liturgi.

D. Penutup
Calvin cukup serius njaga struktur liturgi enda. Erpalasken struktur si enggo ituduhken man banta, maka lit piga-piga unsur li la bengket liturgi ibas piga-piga jenis liturginta. Maun-maun la lit unsur kesadaren nandangi kehadiren Dibata, kesadaren diri, pengakun ras pengalemi dosa, perdamen / rekonsiliasi, tekad bage pengutusen.
Banci jadi kebanyaken unsur enda lit bas liturgi tertentu, tapi la lengkap janah la ikemas alu serius. Mbera informasi enda mabai kita kubas pergumulen si lebih serius guna peningkaten kualitas kebaktinta.


Pdt. Krismas Imanta Barus